大陸情侣慶祝「520」公主抱143磅女友 弱雞男友手臂骨折

285

據《武漢晚報 / 廣州日報》報導,武漢一名20歲嘅男子李帥與女朋友為慶祝「520」 (大陸諧音我愛你) 而相約食大餐,食完大餐後,李帥突然想學韓劇咁同女朋友嚟一個浪漫嘅「公主抱」。但女朋友重130斤(約143磅) 比佢重,佢出力抱起女朋友嗰一刻,即時聽到「咯嚓」一聲,胳膊劇痛,雙手突然乏力,女朋友從手臂滑下。李帥意識到自己應該係骨折,急忙到醫院求醫。

武漢市第四醫院骨科急診室黃振峰醫生話見李帥右手嚴重畸形,初步判斷佢手臂骨折,經過進一步的電腦掃描檢查,發現佢右手肘骨折伴移位,韌帶亦受傷。黃振峰醫生表示,大多因公主抱而受傷嘅男士都係傷到腰部,手臂骨折嘅情況比較少見,推斷受傷原因除了體能不足外,亦可能因女方突然跳起引致撕脫性骨折。


(參考圖片)