【網民熱話】俾毒撚鍾意慘過食十嚿屎

1500

有絲打喺 LIHKG 討論區開 PO 呻《俾毒撚鍾意慘過食十嚿屎》,好多絲打覺得啲 point 全部中晒,文章好有共嗚:

1. 毒撚通常無拍過拖,淨係識FF,只要你同佢講一句嘢,不論幾正常嘅對話佢都可以幻想晒大家由相識到結婚嘅全過程出嚟,一實現唔到,就好似俾人飛咗咁日夜叫春。

2. 毒撚好鍾意搞到所有人誤會佢同鍾意嘅人好似真係有路,喺流言蜚語中扮演可憐無辜嘅角色,又會好怕醜咁講:唔係啦!!! 藉此佢獲得滿足感。到你拒絕佢,佢就盛機唱你玩感情,繼續扮演受害角色。

3. 自己製造流言,以為對方會以為依啲流言而對自己產生好感,如果對方因為尷尬而逃避佢,佢只會覺得成個氣氛都好曖昧。

4. 毒撚外表通常唔太討好,所以會想人哋發掘佢嘅內在美,但佢哋心底都好陰暗,係一個陰濕嘅死毒撚。

5. 只要你拒絕毒撚,毒撚就會瘋狂無病呻吟,認為人人都好膚淺,著重外表而不在乎內在。基本上全世界都欠撚咗佢,唔鍾意佢就係一個罪過,但班死毒撚根本無資格要求咁多。

6. 女人做乜都係咎由自取,報應嚟。


有絲打就分享咗自己嘅經歷:

我想講以前我都覺得毒撚冇乜嘢,單身嗰排,公司有個毒撚(新同事)R 我傾計,我咪當 friend 咁傾下 ,橫掂返工冇乜嘢做,慢慢有傾吓 WhatsApp 咁。有一日佢無啦啦話要追我,嗰下都幾驚訝,但係有禮貌地拒絕。

後來佢同咗好多同事講話我玩佢,話我單身係抵死,有人追我都唔受,我真係嬲到癲咗!自問咁耐以來都冇做啲咩越界嘅事,做嘢嗰陣都唔該前唔該後,好客氣咁,單身唔代表來者不拒。好心佢望下塊鏡睇下自己咩質素先啦!

我開頭覺得佢個人幾好,而家佢連唯一優點都冇咗。


另一位絲打就話自己係「毒撚磁石」 :

由細到大都係毒撚磁石,唔憎宅、唔識打扮、唔social嘅毒撚,只係好撚憎呢啲行為奇怪嘅毒撚

1. 鬼鬼鼠鼠望下你,你望返佢佢就避開你眼神扮無望你,你一擰轉面佢又望返你,博你注意,好撚噁心
2. 借啲意有身體接觸
3. 成日問你有乜唔識,扮好人教你做嘢,博好感,拒絕佢嗰時就話你當佢工具人


有絲打就覺得班高登仔係咁:

又係啲傻西毒撚,有女同佢傾兩句就沉撚曬, Text下佢就認定呢個係一生中最愛,非卿不娶。跟住開始傷春悲秋,覺得自己陷入苦戀,凄美浪漫。

個女仔同男仔傾兩句,就覺得有人俾帽佢戴,嬲到震曬。好快就會忍唔住戇撚尻尻,死就死唔做實後悔,自殺式表白!毒撚表白嚇死條女,派好人卡,再Block尻佢。

毒撚就開始惱羞成怒發爛渣,怪條女做乜俾錯覺佢,賤格收佢做兵,冇興趣做乜要同我傾竭同我text,之後再上高登屌條女係雞。

憤怒過後,自我陶醉自覺經歷失戀,再次傷春悲秋,認定自己受到情傷。曾經滄海難為水,除卻巫山不是雲,再自命看透世事。「自我選擇」拒絕動情,一個人自在更開心,全部女人都係雞!溝女既係狗公MK!拍拖既直刻死!撞車死!生Cancer!換唔到心死!抵撚死!哈哈哈!全部係雞!全部都蝦尻毒撚!全部仆街死!哈哈..哈!!


其他網民回應:

「毒撚仲好鍾意加多個幻想,話咩男人唔壞,女人唔愛,去暗示自己太好人先無女」

「啱,然後將自己變成受害者咁 ! 但其實人地好多時只係基於禮貌,覆咗佢幾句,都可以上撚曬身咁,無限FF對佢有意思,大佬廿幾歲人咪咁痴線啦」

「同佢講嘢 = 有好感 ; 對佢笑 = 暗戀佢」

「毒撚溝唔到既女就話人地係雞」

「講中哂啲毒撚」

「2 同 3 笑到有腹肌,但真係好中」

「毒唔毒取決於個樣,樣衰唔好搞咁多野」

Source: https://lihkg.com/thread/1175580