【逃犯條例】林鄭電視訪問落淚稱無賣港 丈夫指: 你賣咗個身畀香港 (有片)

510

立法會今日(12日)恢復二讀辯論修訂《逃犯條例》, 觸發大批反對修例的市民於政府總部及立法會外聚集,事件其後爆發衝突,釀成多人受傷。特首林鄭月娥今日(12日)上8時半,即爆發流血衝突前約7小時,接受《無綫新聞》訪問,對於被批評她「賣港」,她一度哽咽落淚,稱自己土生土長,與所有香港人一同成長,為香港作出不少個人犧牲。

TVB 特首專訪內客:

問:如何回應示威者佔據金鐘?
答:我?家呢一刻嘅心情,既擔心亦傷心,好擔心有年青人採取呢個行動,香港一般崇尚文明、理性社會。

問:會否繼續在立法會大會審議修例?
答:經過幾個月好有爭議性討論,係時候喺立法會、用立法會機制畀不同意見議員表達,反映佢哋代表嘅意見。

問:應否收回修例還是繼續推達?
答:我哋嘅考慮係咁樣,呢件事有爭議性係無可置疑,解說同溝通係有用,但或許唔能夠完全消除呢啲擔心、或者係焦慮,或者係爭議性。

問:被市民要求下台,見到這個情況,有否試過有一刻思考過這件事( 修例)是否正確?
答:我從來無因為呢件事有任何心虛,我哋工作嘅初心,仍然係堅實嘅,認為係啱嘅,(修例)不但對受害人家屬有所交代,我?家只可以講,話有得交代,但唔能夠答應潘生、潘太,一定讓謀害佢哋女兒嘅人繩之於法。

問:點睇年青人的表達方式?
答:如果青年人已經行咗、採取行動,都唔畀佢哋想要嘅嘢,咁又點呢?我打個比喻,我係媽媽,有兩個兒子,如果我個仔都係咁,我每次都只係遷就佢,短時間內母子關係好好,但當小朋友成長,因為當時嘅任性,而我縱容佢呢啲任性行為,佢有後悔,點解當日阿媽唔提我?

問:點樣回應賣港指控?
答:話我賣港?我點樣賣港?我喺呢度土生土長,我同所有香港人一齊成長,我對於呢個地方嘅愛,令我作出唔少個人犧牲。我本身話,(今次訪問)講輕鬆嘅嘢,點解會咁激動?講輕鬆嘅部分,你知道喺我屋企有位不理政事、甚至不理世事嘅老公——林先生,佢對呢兩個字都好有意見,佢嘅講法係:你點可能賣港呢?但你真係有問題,你做行政長官之後,就真係賣咗個身畀香港。

TVB 特首專訪片段: