睇班小學生對「反送中」嘅感想 巴打話: 男人老狗都睇到眼濕濕

216

一名自稱係小學老師嘅巴打在 LIHKG 開 PO 表示,嘗試用自己力量話俾下一代知呢幾日香港發生緊咩事,有個小二學生重聽到喊。講完每人俾左張紙仔,叫佢地 Write something to someone
最後巴打仲同一班學生講: 「放心,下一代嘅自由我哋呢一代人會幫你努力爭取!」

呢個 PO 引起好多網民好評,認為內容真係睇到眼濕濕,好令人感動!

 

呢兩位小朋友,hea 咗啲喎!不過睇得出「加油」兩個字都有畀心機去設計。

P.S.
樓主留言表示因為班上大部分都係跨區學童,所以好多簡體字,唔知其他學校係咪都係咁,佢自己唔係中文課老師。


網民回應:

「要教返好啲繁體字 🙁 」

「係我地冇守好個香港,搞到佢地咁」

「童言無忌 卻更顯真誠」

「好想喊 :(」

「我都係教小學⋯⋯睇到好感動⋯⋯」

「我細佬讀小四,佢琴日學校老師都有播黑警嘅惡行比班學生睇,仲解釋比班學生知點解d哥哥姐姐要出嚟反送中,叫佢地返屋企可以解釋下比父母知。我細佬表示完全明白,同我講佢以後唔會再覺得警察係好人」

「唉~ 大家都唔想!面對既係極權統治,大家真係唔好有太大仇恨(任何一方都係)。大家要明白, 大家都要智慧去解決問題, 而唔係仇恨。」

「琴日同佢地講完發生咩事之後,有個二年級學生同我講話: 「啲人戴口罩係因為佢地犯咗法唔想人知」。嗰一刻我覺得好心酸,cctvb影響力真係好大」

「好慶幸仲有一班老師願意用自己謹有力量教育下一代。尋日我搭車果陣有個大陸女人教佢個仔女… 話示威者應該和平示威,搞到香港咁亂真係唔應該。個小朋友問佢阿媽:媽咪,咁係示威者唔啱定警察唔啱呀?佢老母:咁梗係示威者唔啱啦!希望各位教師、社工、神職人員能夠在自己崗位上各施其職,做好社區教育!」


Source:
https://lihkg.com/thread/1221408