【錄音流出】麥美娟向林鄭爆粗 建制派怨氣大爆發 (有片)

934

據報道特首林鄭月娥於上周六(15/6)召開記者會宣布暫緩修訂逃犯條例前,曾於禮賓府與建制派議員會面3小時,據知大部份建制派當日紛紛向林鄭表達不滿,新民黨主席葉劉淑儀更半途離場,其中工聯會麥美娟更爆粗質問林鄭:

「你太天真啦!依家就算暫緩人哋都唔會收貨!」

「依家話撤就撤,咁當初有過百萬人上街,嗰時又憑咩咁堅定?」

林鄭解釋指修例困難重重,政府向社會解說工作做得不足。但麥美娟並不同意林鄭解釋,批評是政府低估政治形勢,加上林鄭決定暫緩修例時,只有少數行政會議成員知道,並未與建制派議員商量,因此她怒斥林鄭脫離民眾:

「我啲兄弟落去解説日日被人屌!仆街,你試下落區日日畀人屌呀!」

林鄭覺得非常委屈,淚灑人前,麥美娟反指:

「依家喊有咩用?你識喊,我都識喊!我都喊咗成晚呀!」


▲ 工聯會麥美娟


今日下午《商台新聞》就流出一段《監警會》會議的錄音對話,監警會委員張華峯(身兼金融服務界立法會議員) 向主席梁定邦證實,上周六爆粗質問林鄭的立法會議員就是工聯員的麥美娟,他更直指麥美娟下屆「肯定選唔到㗎喇」。

張華峯:「你唔知呀,屌你老母個女仔呀,屌呀林鄭呀,只係你呢個女人識喊呀? 我都喊咗成晚呀。」

梁定邦:「有無搞錯呀?」

張華峯:「那個麥美娟呀,工聯會呀,因為佢承諾選民一定會過。」

梁定邦:「喺立法會裡面講?」

張華峯:「喺呢個… 呢個… 呢個特首辦呀,呢個咩迎賓館呀,嗰個貴賓館呀,特首住嘅屋企嗰個呀。」

梁定邦:「有無搞錯呀? 身為立法會議員,咁失身份? 問候人老母!」

張華峯 / 梁定邦:Hay..hay..hay… (笑聲)  張華峯:「而且係女人。」

梁定邦:「仲係女人。」

張華峯:「她將所有嘅政治呢押落呢鋪度,肯定選唔到㗎喇啦。」


▲ 監警會主席梁定邦 (左) 及 委員張華峯 (右)


《商台》錄音影片: