36歲姚子羚同男友「的士邦」鄭子邦,的士邦手揸過億物業,絕對係筍盤,姚子羚同的士邦愛得穩定,開到口視對方為結婚對象,目前同居,早前傳過已plan結婚,搵「胡說八道」好姊妹胡杏兒、胡定欣、胡蓓蔚(豹嫂)、黃智雯、姚子羚同李施嬅度期,組「最索姊妹團」!

 

李施嬅下午喺微博貼出「胡說八道」合照,相中見佢哋難得齊腳,李施嬅仲留言:「親熱親熱地,開會中。有甚麼大計呢?胡說八道會!」相中見姚子羚抱住公仔,似乎佢係「主角」,唔少網民都估係姚子羚好事近,搵一班好姊妹出嚟密密斟!

姚子羚接受傳媒訪問時話”No la not marry la”問到有冇計劃幾時結婚,姚子羚笑言要忙到年尾,今次係胡說八道有嘢要傾。

此外,李施嬅則回應傳媒指係有大計,有開心事,不過暫時未到子羚,開心事陸續有來,要排隊㗎。哈哈。很快大家就會知道喇!」唔通今次唔係子羚,係34歲黃智雯!?話晒一直傳黃智雯同任職珠寶集團高層嘅詹文天拍拖,黃智雯堅持低調處理感情咋!

 

(蘋果日報)

網友留言

個留言