現年41歲的陳曉東,2014年同來自台灣、當時任職護士嘅王妤嫻結婚,O依家同兩個囡囡,一家四口定居北京。問到東東同太太有咩相處之道?東東即笑住投訴說:「佢(太太)成日想將我趕出露台㗎喇!」

 

東東自認處女座有好多「麻煩嘢」,買張枱都要擺得好靚,但佢唔喺屋企嘅時候,屋企就會變咗兒童樂園,無晒私人空間,只有書房無人敢入。不過,0依家一屋三女,東東就話覺得十分幸福,佢亦都好enjoy畀屋企給三個女人「圍」。

 

問到佢生女會唔會擔心?會唔會成為「非常外父」?東東話:「自己只係陪伴佢哋長大,之後嘅路佢自己揀。」雖然講係咁講,但東東就話有一啲規矩要囡囡遵守。佢話:「要學琴,跳舞,因為可以培養氣質,入唔入行無所謂。」

 

至於係咪「非常外父」,東東口裡說不,但即刻嚴父上身:「我只會同佢講,個肚得三次機會,玩殘咗就以後唔駛生!我會好直接講,想佢哋明白男仔就係咁,唔通我去問個男仔,你哋係咪真愛咩!」此外,東東仲有一條家規,就係拍拖唔可以帶男友返嚟,佢亦唔可以去男友屋企過夜。佢話:「如果男仔擺明唔好,會用我方法話佢知!」

(蘋果日報)

網友留言

個留言