49歲「Gordon哥」林文龍去年返大台拍《不懂撒嬌的女人》,最近人氣急升,以型佬look俘虜觀眾,大台原本想食住個勢,開多幾套俾佢拍,今日有周刊指,因為林文龍覺得拍戲困身,有傳7歲大嘅寶貝女林天若一直恨有個細妹,未知爸爸係唔係想努力造人!?

 

報道指林文龍同老婆郭可盈一直男主外,女主內,閒時林文龍出埠工作,再唔係就約埋啲波友踢番場波,又會拉埋47歲郭可盈去行山,一家三口享受天倫樂,據知佢哋早幾年已經想生多一個,不過最後怕分薄咗對囡囡嘅愛,所以冇再諗,點知近年囡囡好羨慕身邊嘅人,想有個細妹陪住,郭可盈同老公林文龍最終決定順其自然,亦會調理好身體,戒埋夜生活。

 

(蘋果日報)

網友留言

個留言