韓國男團JYJ成員朴有天將於9月跟韓國南陽乳業家族嘅外孫女黃荷娜結婚,雖然朴有天依家仲當緊兵,不過都有抽空跟未婚妻見面,二人更不避嫌於公眾場合甜蜜摸臉同攬攬。

 

據韓媒《Dispatch》報道,上周四(11日)晚上朴有天帶未婚妻黃荷娜出席跟朋友於江南區三成洞舉行嘅聚會,據知黃荷娜現身時,獲在場人士歡呼歡迎。朴有天跟黃荷娜偶爾於聚會途中離座,可能係因為朴有天煙癮起,二人於一旁邊傾計邊又攬又摸臉,非常恩愛。

 

聚會結束後,朴有天就讓黃荷娜坐上自己嘅勞斯萊斯離開,朴有天更一直對車內跟未婚妻講嘢,又不停揮手,極為依依不捨。

(蘋果日報)

網友留言

個留言