黃心穎同一班港姐今日喺中環出席新一屆港姐招募活動,噚日心穎BB被影到佢同馬國明拍拖睇戲,話晒上次馬國明已經講過會再約心穎BB,估唔到言出必行。

心穎BB今日化咗靚妝,着住吊帶裙露事業線示人,呢個打扮,同佢噚日只係着爛牛、紮馬尾同戴黑色口罩跟馬明出去睇戲好唔同,問到心穎BB見馬國明係唔係一定要化妝?心穎BB話同馬明行街又好、睇戲又好,因為佢哋喺工作後外出,所以有化妝。

至於平時心穎BB出街會化淡妝,通常戴眼鏡、口罩同帽,唔介意素顏示人,佢話:「唔會特別化到好靚,因為唔係用美色去取悅人,平時喺化妝間都睇過冇化妝嗰陣,應該唔會嚇親人。」喺活動上,只展示咗張心穎BB嘅舊照,髮型同o依家最大分別係個執蔭,放落嚟都幾嚇人,不過心穎BB都唔介意,笑住指住張相大方合照。

(蘋果日報)

網友留言

個留言