【整合/懶人包】港大偉倫堂欺凌及性騷擾女宿生事件 (有新片)

209

有網民再喺連登討論區爆料,大仙點樣欺凌 Freshmen,原文如下:

我地都係某年住過偉倫10樓嘅受害者 見到GY 絲打個post 諗左好耐終於決定要企出黎 都預左比人秋後算帳 再下面就係GY絲打post嘅整合

首先就係hell o
有個環節叫floor time (要fm做小丑去娛樂同層大仙):

1.人生攻擊你生得肥/矮/做過嘅柒事等 再用以上嘅野黎幫你改仙名 係hall就只可以用仙名自稱
2.颱風打8號逼我地係海邊淋雨,食風,fm要訓係沙灘再比大仙坐上去(人肉沙灘墊) 等等
3.要做侮辱性嘅drama e.g.扮狗,其中有個fmA要扮部電話 而另外一個fmB就要扮打電話 用手禁fmA嘅私人部位(胸,下體)

再黎就係樓o同絲打講嘅差唔多
另外fm要整fm poster貼到每一層樓board
而衣著同slogan都係N大仙要求
後尾有女tutor驚佢嘅細路睇到學壞 捉左十樓傾計 但最後冇下文

最後就係重頭戲偉倫節
每一層樓都要做performance/拍片
最投出邊層最好 精華有:
1. Fm被推落HKU荷花池 啲水係非常污糟

2. 男大仙扯開十樓女hallmate衫(露背+真空) 係背上寫字

performance 片段:

中有人好似我地咁頂唔順選擇quit 亦有人加入施暴者
可能有人覺得好正常 露下背姐咩年代啊
我地只係想只係想各位fm入hall之前諗清楚自己係咪真係接受到上面嘅嘢
唔好似我哋咁做左先後悔
就算入咗都要quit hall呀


之前有絲打開 PO 講,有大仙要求該樓層的多名女宿生,一起背對鏡頭脫下胸圍半裸拍片,之後就播俾其他宿生睇,佢哋都好尷尬、好唔開心。如果唔拍,大仙明言會「畀佢0分」,即係對舍堂無貢獻分,下學年很大機無宿位,所以班女先會屈服。

又有大仙趁一名女宿生深夜熟睡之際,在鏡頭前向她「兜頭淋」凍水,事後卻指責被淋的同學毫無反應,未能達到拍攝的預期效果。絲打表示,被淋的同學重看那段短片時,曾向她表示「我戥自己心痛。」

絲打認為舍堂制度有問題,佢就向舍堂導師及舍監投訴,但舍堂導師竟然同佢講「舍堂生活就係咁」,變相包庇大仙欺凌新宿生。絲打最後決定退舍,並向《蘋果日報》報料,而偉倫堂欺凌事件亦在昨日見報。


相關新聞:


港大舍堂欺凌Freshmen 女宿生控訴遭要脅半裸拍片「陪酒」 (有片)


港大偉倫堂爆性醜聞 女宿生控訴遭要脅半裸拍片「陪酒」 (有片)