【Joey演唱會】農夫搞氣氛笑爆全場 自嘲庸庸碌碌令入場歌迷失望 (有片)

171

容祖兒《PRETTY CRAZY》紅館演唱會來到第14場,在休息日前夕更賣大包,分別請到兩組嘉賓,果然Joey真的從來都不會讓歌迷失望!第一組嘉賓農夫,之後再有張智霖。農夫又唱得、又講得笑,不但讓全場歌迷興奮到歡呼聲不止,連Joey都被逗得忍俊不禁,既能聽到他們合唱《特別嘉賓》和《舉高隻手》,又可以睇到一場迷你棟篤笑,昨晚觀眾真的有福了!

陸永氣定神閒地接話:「我覺得你咁樣搵我哋先夠crazy,你前面全部巨星有咩特別啫,今晚無端端搵農夫。嘩,容祖兒你痴線㗎!」Joey便失笑說在很初期時已決定邀請他們來當嘉賓,C君把握時機說:「喔,你話你度咗好耐嗰段嘢就係呢幾句呀?」讓Joey心虛的搖頭說不,然後農夫便笑着擁抱她並連聲道謝,完全不知道他們葫蘆裡賣什麼藥。

「我哋作為你演唱會嘉賓係要同全場嘅觀眾負責,我哋係好想同大家講一聲對唔住,抱歉,好抱歉!因為你哋之前睇嗰啲嘉賓,張學友、劉德華、古天樂、謝霆鋒跟住TWINS,跟住今晚係農夫!你點算呢真係?」C君說得十分起勁。雖然全場歌迷起哄,尖叫聲持續幾秒,但陸永卻謙虛說:「今時今日鬧同讚嗰啲反應係差唔多㗎咋!」又讓Joey不禁笑着認同。

到 Chilam 出場兩人竟在台上大爆「同居」關係:「正所謂遠親不如近鄰!」Joey緊接:「今日披露一個秘密畀大家知!你哋唔好同人講,我哋係同居關係!不過,同居唔同層!」Joey與Chilam住在同一大廈,但見面最多的地方是停車場,但同台演出是第一次。

影片: