【Joey演唱會】獲歌神張學友加持:「佢係我相當佩服嘅後一代歌手」 (有片)

119

容祖兒首場《容祖兒Pretty Crazy演唱會2019》可話阻礙重重,因修訂《逃犯條例》風波,撞正網民發起「8.5」不合作運動癱瘓交通,附近紅隧出入口曾多次被示威者堵塞,但祖兒表現專業,堅持「不唱不散」為粉絲開騷。雖然成功開show,但又遇上機器故障,不少舞台效果未能呈現,最後容祖兒更展現天后風範,承諾在場歌迷可憑票尾在8月12號晚再睇一場,享受一個完整的《容祖兒Pretty Crazy演唱會》。

Joey 亦特別為頭場觀眾送來驚喜,請來「歌神」張學友任表演嘉賓。Joey更笑言:「搵到學友哥哥做我演唱會嘉賓,係我呢20年嚟最好嘅花紅!」Joey更獲學友加持:「佢係我相當佩服嘅後一代歌手,喺現今樂壇裡面,佢具備晒最好歌手嘅條件,對唱歌有熱誠、謙虛、努力、會挑剔自己又敢挑戰自己,我睇佢訪問先知。」

影片: