【連登仔實地考察】如何由 HKDI 前往海濱公園跳海 (有片)

1037

有連登仔實地考察跳海路線,然後總結話:「一個15歲,150cm既女仔,係9月19號接近7點至10點呢段時間(er er sir話係晚上),赤住腳由HKDI行15-20分鐘去到海濱,全程無人目擊同關心,而沿住海濱愈行就會愈多人,咁會唔會佢根本無去過海濱?呢個劇本相當有嫌疑」

連登仔實地考察海濱公園跳海地點:


現在就同大家一切 Fact Check

首先睇警方所提供嘅資料,所印證有無可能:

警察公共關係科署理總警司江永祥表示,陳彥霖於9月19日失蹤,因過去曾有失蹤紀錄,故其家人於21日才報警,而在翌日警方接報指有屍體發現報案,經過解剖後,少女遺體無表面傷痕亦無性侵迹象,但死因仍然有待確定,認為事件並無可疑,但因背景涉及私事不便講太多,「其實我已經講多咗」,之後他續指,在翻查學校CCTV後,見到該名少女於9月19日晚上,將自己的財物放下後,再赤腳往海濱公園方向走去,故認為事件找不到可疑地方。

《成報》報導比《蘋果日報》更詳細: 

翻查閉路電視片段,在下午5時左右,女死者曾向友人傳訊息稱「人生不快樂」,下午5時30分左右,女死者現身調景嶺站對開行人路,把自己身上的袋放低,內有她的錢包等個人財物後,便到了香港專業教育學院(李惠利)校園內徘徊,長達個多小時,最後在校園不同地方放下個人物品,包括本來穿着的鞋子。她隨後便赤腳離開校園,往海邊方向走去,因此不排除少女是跳海自殺身亡。

自稱死者阿媽嘅朋友,說法和警方及《成報》大致吻合:

睇 cctv 見佢去到海邊,自己除哂衫褲,浸落水4分鐘沖左走。媽媽睇左調頸嶺地鐵站 cctv 發覺有問題,女女當時個笑容好鬼異,鬼異到令到佢自己都好心寒。


Fact Check 1: 陳彥霖何時赤脚離開 HKDI, 一個人走向海濱公園 ? 

友人 whatsapp 最後記錄為 5pm,综合所有報導都係五點幾到達 HKDI,之後開始「放下」物件,徘徊多個小時後才離開,而 HKDI 星期一至五嘅開放時間為早上9:00至晚上9:00。如果跟據警方的資料,綜合所有新聞報導,可以推測到陳彥霖是在 7pm – 9pm 這段時間離開 HKDI

  • 跟據警方的資料, 不代表事實, 若警方有錯, 事實自然不同

Fact Check 2: 陳彥霖走向海邊自殺,只有海濱公園路線可行:

昨日有連登仔從 HKDI 出發,實測陳彥霖有可能經過的路線。警方稱陳彥霖是赤腳走路,走向海濱公園,實地考察後,發覺這是唯一可行,最快又最直接方案。連登仔有嘗試另外兩條頭條分叉線,基本上唔可行,因為有一條要經過工地,海邊又多酒吧同餐廳,人來人往。另一條要經過將軍澳華人永遠墳場,有高鐵欄、又有管理員,而且只有撞邪嘅人先會考慮入墳場自殺,所以集中睇海濱公園路線。

  • 跟據警方的資料, 測試除海濱公園外, 有沒有其他地方可以行去

Face Check 3: 一個赤腳少女,有可能在 7:10pm – 9:30pm 行去海濱公園除衫自殺嗎? (重點)

已可以肯定,陳彥霖是在 7pm – 9pm 這段時間離開 HKDI,行得快可以 10分鐘到達海濱公園,連登仔就用了12分鐘,心情唔好又赤腳走路,就當最遲行30分鐘(行得太慢反而更引人注意),所以自殺時間為7:10pm – 9:30pm。警方話過陳彥霖是在 HKDI 徘徊多過小時,但無講過在海濱公園徘徊,那可以假設陳彥霖到達海濱公園後,就找地方除衫,行落海。

先去片: (晚上9點至10點半拍)

從影片所見,由 HKDI 行至海濱公園,沿途人來人往,每廿秒都拍到有人經過,有人踩單身、有人跑步、有情侶/朋友/一家大小散步、海邊有人釣魚、連海旁每張長凳都有阿伯齋坐 …

一個少女喺 7:00pm – 9:30pm 呢段人來人往嘅時段,一個人由 HKDI 赤腳行出海邊除衫,再全裸行落海,真的可能嗎? 無疑點 ?

Video Source: https://lihkg.com/thread/1647578


相關新聞:


陳彥霖死亡事件詳細整合時間線 (14/9 – 11/10)
發現屍體前 有人話死者報夢最離奇